Оның айтуынша, тиісті шешім қазірдің өзінде Үкімет деңгейінде қаралған.
— Бұл ретте мемлекеттік монополияға қосылады деген шешім қабылданды. Олар телефондардың верификациясына қажет қызметтерді көрсете алатын мемлекеттік ұйым болады, — деді Р. Коняшкин.
Сонымен қатар Мәжілісте тиісті нормативтік-құқықтық өзгерістер қарастырылып жатыр.
— Өзгерістер мақұлданады деп үміттенеміз. Қабылданған жағдайда, мұнымен мемлекеттік компания айналысады, — деп вице-министр.
Айта кетейік, бұған дейін смартфонды ресми тіркеу аясында елде қанша телефон бұғатталғанын жазған едік.
Еске салсақ, былтыр күзде «Мемлекеттік радиожиілік қызметі» РМК IMEI-кодтарын тексеру қызметін жүргізуге өтініш берді.
Қазір Қазақстанда IMEI верификациясымен «ATS Mediafon KZ» ЖШС айналысып келеді. Ол ашық конкурс нәтижесінде оператор ретінде таңдалды.