Қазақстанда жүк тасымалдайтын көліктердің 70% Еуро-4 және Еуро-5 стандарттарына сай
Компанияның баспасөз қызметінің мәлімдеуінше, одақ былтыр «Атамекен» ҰКП, «ҚТЖ» және салалық қауымдастықтармен ынтымақтастықта көлік-логистика саласының дамуына кедергі болып отырған тосқауылдарды жою бойынша қыруар жұмыс атқарған. Атап айтқанда, отандық жүктерді тасымалдау үшін Қазақстан вагондарын пайдалану көрсеткішін 90%-ке дейін жеткізу бойынша шаралар қарастырылған.
«Автокөлік саласында айтарлықтай нәтижеге қол жеткізілді. Қолданыстағы көліктің ішіндегі Еуро-4 және Еуро-5 стандарттарына жауап беретін автомобильдердің үлесі 2015 жылы 48,3% болса, қазір 70%-ке жетіп отыр», - дейді компания баспасөз қызметінің өкілдері.
Бұрын «KAZLOGISTICS» Қазақстан көлік одағының бас директоры Қанат Әлмағамбетов автомобиль көлігі былтырғымен салыстырғанда, 50% артық транзиттік жүктерді тасымалдағанын айтқан болатын.