«Елімізде жыл сайын жол апатынан үш мыңға жуық адам қаза табады және 29 мыңдайы түрлі жарақаттар алады. Бұл сандар аталған мәселенің өзектілігін көрсетеді. Сондықтан біз жол апаттарының салдарын азайту бойынша барлық шараларды қолға алуымыз қажет», - деді ол.
Оның айтуынша, соңғы уақыттарда жол апаттарының 30 пайызға артуына қарамастан, адам шығыны өткен жылдармен салыстырғанда бір деңгейде қалып отыр.
«Дегенмен жылдан-жылға көрсеткіштер жақсарып келеді. Мәселен 2012 жылы жол апатынан 20 мың адам, 2013 жылы 32 мың адам жапа шекті, ал адам өлімі осы жағдайларда 15 пайыздан 9,2 пайызға азайды. Мұндай жетістіктерге жетуге жедел жәрдем жұмысының жетілдірілуі мен автожолдардың қауіпті жерлерінде құтқару бөлімдерінің ашылуы негіз болды», - деді ол.
Р. Нұрмұқановтың айтуынша, бүгінгі таңда Қазақстандағы өлім-жітімнің себептері арасында оқыс оқиғалар, жарақаттану мен улану жағдайлары үшінші орын алады.