Қазақстандағы мұғалімдердің көбі — модератор мен сарапшы

АСТАНА. KAZINFORM — Қазақстан мектептерінде 398 854 педагог жұмыс істейді. Бұл жайында Оқу-ағарту министрлігінен хабарланды. 

Оның ішінде 91 878 модератор, 87 685 сарапшы, 76 021 зерттеуші, 3 566 шебер бар.

Еске сала кетейік, бұған дейін түлектер жиі таңдайтын мамандық — мұғалім екенін хабарлаған болатынбыз.   

Бүгінде Батыс Қазақстан облысында — 245 мұғалім, ал Шығыс Қазақстанда — 132 ұстаз жетіспейді. 

Ал Маңғыстау облысында жалған дипломмен жұмыс істеген 60 мұғалім жұмыстан босатылды.

Бұған дейін Атырау облысында сатып алынған жалған дипломмен жұмыс істеп келген 80-нен астам мұғалім анықталған болатын.

ҚР Ғылым және жоғары білім министрлігінің жоғары және жоғары оқу орнынан кейінгі білім комитеті жоғары білім туралы жалған дипломдарға қатысты қандай жаза қарастырылғанын түсіндірді.