Қазақстандағы неке саны 2,3 пайызға көбейді

АСТАНА. 11 шілде. ҚазАқпарат - Биылғы қаңтар-мамырда АХАТ органдарында 56,7 (55,4) мың неке тіркелді. Бұл туралы бүгін Астанада өткен брифингте ҚР Статистика агенттігінің төрағасы Әлихан Смайылов мәлім етті.

«Олардың саны 2012 жылдың сәйкес кезеңімен салыстырғанда 2,3 пайызға көбейді. Некенің жалпы коэффициенті 1000 адамға шаққанда 8,1-ді құрады», - деді бүгін Астанада өткен брифингте ҚР Статистика агенттігінің төрағасы Әлихан Смайылов.

Атап айтқанда, 20,6 мың ажырасулар тіркеліп, олардың саны 7,3 пайызға өсті. Ажырасудың жалпы коэффициенті 1000 адамға шаққанда 2,9-ды құрады.