АСТАНА. KAZINFORM — Шри-Ланка астанасы Коломбода өтіп жатқан Азия чемпионатында 22 жасқа дейінгі қыздар арасында қазақстандық 9 боксшы алтын алды.
Ел құрамасынан Элина Базарова (54 келі), Виктория Байдукова (57 келі), Анар Тұрсынбек (60 келі), Аружан Жаңабаева (63 келі), Ұлдана Таубай (66 келі), Шұғыла Нәлібай (75 келі), Жібек Жарасқызы (81 келі), Әсел Тоқтасын (81 келіден жоғары) чемпиондық тұғырға көтерілді.
Ал Ақбота Болат (48 келі), Гүлнар Тұрапбай (50 келі) және Томирис Мырзақұл (52 келі) күміс жүлдегер болды.
Айта кетсек, бұдан бұрын бокстан Шри-Ланкада өтіп жатқан Азия чемпионатында 19 жасқа дейінгі қыздар арасында Жанкелді Ахметов баптайтын Қазақстанның құрамасы барлық салмақта жеңімпаз атанды.
Ал 19 жасқа дейінгілер арасында Азия чемпионатында еліміздің ұлдар құрамасы 10 алтын медаль жеңіп алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.