25 шілдеде Ахмедов Алматыдағы бокс кешінде өнер көрсетеді. Кештің басты жекпе-жегінде ол Оңтүстік Африка Республикасының боксшысы Асемахле Веллеммен кездеседі.
Қазақстандық боксшы рингке WBA Asia чемпионы ретінде шықса, оның қарсыласы WBO Africa чемпионы саналады.
Әли Ахмедов соңғы жекпе-жегін желтоқсан айында өткізіп, ганалық Делали Миледзині (30-3-1, 23 KO) төрешілердің бірауызды шешімімен жеңген еді.
Ал Асемахле Веллем биыл мамыр айында шаршы алаңға шығып, Гананың тағы бір боксшысы Принс Око Нартині (13-5, 12 KO) нокаутпен ұтты.
Айта кетейік, бұған дейін Қазақстан құрамасының бапкерлер штабы Қытайдың Гуйян қаласында өтетін Әлем кубогы кезеңіне қатысатын боксшылар құрамын жариялады.