22:24, 24 Желтоқсан 2024

Қазақстандық ауыр атлет Денис Полубояринов Азия чемпионы атанды

АСТАНА. KAZINFORM – Қазақстан құрамасы ауыр атлетикадан Дохада (Қатар) өтіп жатқан жасөспірімдер арасындағы Азия чемпионатында тағы бір алтын медаль жеңіп алды. Бұл туралы ҰОК жазды. 

Photo: Olympic.kz

Денис Полубояринов 96 келіге дейінгі салмақ дәрежесінде сәтті өнер көрсетіп, жеңімпаз атанды.

Қос сайыста спортшы жалпы 366 (161 205) келіні еңсерді.

Екінші орынды ирандық Сепах Амирхосейн 349 (162 187) келімен иеленсе, үздік үштікті оның отандасы Эсфандиари Мохаммад 334 (152 182) келімен қорытындылады.

Айта кетейік, бұған дейін Ақжол Кұрманбек екі әлем рекордын жаңартып, Азия чемпионатында топ жарған еді.

Еске сала кетейік, бұған дейін Қазақстан қоржыны 18 алтынмен толыққанын жазған болатынбыз.

Ауыр атлетика Спорт

Бақытгүл Абайқызы

Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)