АСТАНА. KAZINFORM – Қазақстандық балуан Эльмира Сыздықова Ресейдің Красноярск қаласында аяқталған Иван Ярыгин кубогы турнирінде жеңімпаз атанды.
Рио Олимпиадасының қола жүлдегері Э.Сыздықова 76 келіге дейінгі салмақта үздік шықты.
Ол финалда моңғолиялық Даваанасан Енх-Амардың жауырынын жер иіскетті.
Тағы бір қазақстандық Виктория Хусаинова 62 келіге дейінгі салмақта финалға дейін жетіп, соңғы бәсекеде ғана жеңіліп қалды.
Оған қоса осы салмақта Тыныс Дүбек қола жүлдеге ие болды.
Еске сала кетейік, бұдан бұрын Қазақстан балуандары Франциядағы турнирде жеңімпаз атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).