Қазақстандық бес теннисші Ролан Гаррос турнирінің іріктеу сайысында бақ сынайды

ОРАЛ. KAZINFORM — Бүгін Парижде Франция ашық чемпионатының іріктеу турнирі басталады.

Ерлер арасында Қазақстаннан бес теннисші бақ сынайды.

Іріктеу сайысының ширек финалын Бейбіт Жұқаев бірінші болып бастайды. Ол америкалық Закари Свайдамен кездеседі. 

Александр Шевченко жапониялық Шинтаро Мочизукимен, Дмитрий Попко тунистік Азиз Дугазбен, Михаил Кукушкин франциялық Жоффри Бланканомен, Тимофей Скатов ресейлік Алибек Качмазовпен шеберлік байқасады. 

Ролан Гарроста алдағы аптада басталатын негізгі турнирде Қазақстаннан жекелей сында Александр Бублик, әйелдер арасында Елена Рыбакина мен Юлия Путинцева өнер көрсетеді. 

Кеше Ю.Путинцева Страсбург (Франция) WTA 500 турнирінің алғашқы айналымында словакиялық Ребекка Шрамковадан жеңіліп қалды – 0:6, 4:6. 

Еске сала кетейік, бұдан бұрын Александр Бубликтің Туриндегі турнирде топ жарғанын жазған едік.