18:03, 22 Мамыр 2025

Азия чемпионаты: Қазақстандық боксшы қыздар 12 салмақта түгел алтын алды

АСТАНА. KAZINFORM — Бокстан Шри-Ланкада өтіп жатқан Азия чемпионатында 19 жасқа дейінгі қыздар арасында Жанкелді Ахметов баптайтын Қазақстанның құрамасы барлық салмақта жеңімпаз атанды.

Фото: ҚР Туризм және спорт министрлігі

Жанкелді Ахметов баптайтын құрама 12 салмақта топ жарды. Бұл бәсекеге Азия құрлығындағы Қазақстан, Ауғанстан, Аустралия, Бангладеш, Бутан, Камбоджа, Үндістан, Ирак, Қырғызстан, Сауд Арабиясы, Кувейт, Малайзия, Моңғолия, Палестина, Солтүстік Корея, Шри-Ланка, Сирия, Таиланд, Тәжікстан, БАӘ, Вьетнам секілді 21 елден былғары қолғап шеберлері келді.

Ел құрамасынан:

  1. Айым Таңқыбаева (48 келі)
  2. Сила Биболсынқызы (50 келі)
  3. Рахмина Абдумежитова (52 келі)
  4.  Жанель Имантаева (54 келі)
  5. Ақнұр Тұрсынғали (57 келі)
  6. Толғанай Қасымхан (60 келі)
  7. Алина Құдайгенова (63 келі)
  8. Ақбота Есімбекова (66 келі)
  9. Мария Сидоренко (70 келі)
  10. Зарина Толыбай (75 келі)
  11. Құралай Егінбайқызы (81 келі)
  12. Сабина Жақсылық (81 келіден жоғары) чемпион атанды.

Енді санаулы сәттен кейін жастар санаты бойынша ұлдар арасында жеңімпаздардың есімі белгілі болады.

Онда аға жаттықтырушы Максат Бақтыбазаровтың жетекшілігімен 13 салмақтың 11-де қазақстандық боксшылар бас жүлдеге таласып жатыр.

Бокс Спорт
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.