Қазақстандық Ева Корышева Аустралиядағы жарыстың жартылай финалында ойнайды

АСТАНА. KAZINFORM – «Мельбурн парк» корттарында  ATF Asia-Pacific Elite 14 & Under Trophy турнирінің топтық бәсекелері аяқталды.

А тобында бірінші орын алған Ақтөбе теннис мектебінің түлегі, 14 жастағы Ева Корышева бүгін таңмен үндістандық Харита Ванкатешті 6:1, 7:5 есебімен тізе бүктірді.

Сондай-ақ Ева бүгін түсқайта жартылай финалда жаңазеландиялық Яшвита Реддимен кортқа шықты. Есеп Корышеваның пайдасына 5:1 болған мезетте матч жаңбырға байланысты тоқтатылып, ертеңге қалдырылды.

Еске сала кетейік, бұдан бұрын Аустралия ашық чемпионатында жасөспірімдер арасында қазақстандықтардан алғаш болып Әмір Омархановтың жартылай финалға өте алмағанын жазған едік.