АСТАНА. KAZINFORM - Волейболды отырып ойнаудан Қазақстан ұлттық құрамасы Азия пара ойындарының жартылай финалына шықты.
Топтық бәсекеде Бауыржан Тахауовтың шәкірттері алдымен Таиланд құрамасын 3:0 (25:16, 25:22, 25:18) есебімен тізе бүктірді.
Қазақстандық параволейболшылар бүгін әлемде үздік құрама саналатын Иранға 0:3 (19:25, 13:25, 12:25) есебімен есе жіберді.
Иран командасы - 2024 жылғы Паралимпиада ойындары және 2022 жылғы Азия пара ойындарының чемпионы.
Ираннан жеңіліп қалғанына қарамастан, Қазақстан құрамасы өз тобынан екінші орынмен жартылай финалға өтті.
Қазақстандықтар 22 қазан күні Ирак командасымен финал жолдамасын сарапқа салады.
Еске сала кетейік, бұдан бұрын қазақстандық параволейболшылардың алғаш рет Азия чемпионы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).