АСТАНА. KAZINFORM – Қазақстандық жас татами шеберлері тунисте өткен «Тunis African Open-2024» турнирінде 4 медаль жеңіп алды.
Атап айтсақ, 60 келі салмақта белдескен Данияр Есенғұлов пен 66 келідегі Нұрмұхамед Ботабай жеңіс тұғырының ең биік сатысынан көрініп, алтыннан алқа тақты.
Ал 66 келідегі тағы бір отандасымыз Артем Штурбабин мен 73 келі салмақта сынға түскен Ержанат Уәли үздік үштікті түйіндеп, қола медальға қол жеткізді.
Сондай-ақ, аталған сында 90 келіде ел намысын қорғаған Уәли Алтаев пен аса ауыр салмақта белдескен Сержан Алпанов қола медаль үшін белдесуде есе жіберді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.