АСТАНА. KAZINFORM – Қазақстандық, әлемнің 338-ракеткасы Дмитрий Попко АҚШ-тағы Палм-Коуст ITF турнирінің ширек финалына өтті.
Жарыстың 2-ракеткасы болып тіркелген қазақстандық теннисші алдымен дүниежүзілік рейтингіде 1 238-орында тұрған америкалық Александер Разегиді тізе бүктірді – 6:4, 6:4.
Попко екінші айналымда тағы бір америкалық, рейтингіде 781-орындағы Феликс Корвиннен дәл сондай есеппен айласын асырды.
Дмитрий жартылай финалға шығу үшін әлемнің 821-ракеткасы, АҚШ өкілі Аксель Нефвемен таласады.
Қазақстандық теннисші бір апта бұрын Санрайздағы дәл осындай додада жеңімпаз атанған еді. Соның барысында А.Нефвені 6:7 (9:11), 7:5, 6:2 есебімен жеңген болатын.
Еске сала кетейік, бұдан бұрын Александр Шевченконың Роттердамда сенсация жасап, әлемнің 7-ракеткасын ұтқанын жазған болатынбыз.
Елена Рыбакина Дохада АҚШ чемпионатының финалисін жеңіп, жартылай финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).