АСТАНА. KAZINFORM – Әлемнің 358-ракеткасы, қазақстандық Дмитрий Попко Буэнос Айрес 2 (Аргентина) челленджер турнирінің ширек финалына шықты.
Қазақстандық теннисші екінші айналымда әлемнің – 231-ші, осы жарыстың 5-ракеткасы, словакиялық Йозеф Коваликпен шеберлік таластырды.
Бірінші партияда Д.Попко 6:3 есебімен басымдық танытты.
Екінші сетте есеп 5:2 болып, қазақстандық спортшы алда тұрған кезде Ковалик бәсекені жалғастырудан бас тартты.
Бір сағат 20 минутқа созылған матчта Попко 2 эйспен бірге 11 брейк-пойнттың бесеуін өз есебіне жазды. Ковалик 2 эйс, 2 брейктен (3 брейк-пойнт) аса алмады.
Дмитрий Попко әлемнің 236-ракеткасы, аргентиналық Андреа Колларини немесе рейтингіде 292-сатыдағы испаниялық Николас Санчес Искердоның қай жеңгенімен таласады.
Қазақстандық теннисші бір апта бұрын Буэнос-Айресте дәл осындай додада финалға дейін жеткен еді.
Еске сала кетейік, бұдан бұрын Аустралия чемпионатында Елена Рыбакинаның аса тартысты матчта есе жібергенін жазған болатынбыз.
Сондай-ақ Елена Рыбакинаның бүгінгі матчында рекордтық жағдай тіркелді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).