АСТАНА. KAZINFORM – Қазақстандық теннисші Михаил Кукушкин Оттиньи-Лувен-ла-Нёв (Бельгия) челленджер турнирінің іріктеу сайысын жеңіспен бастады. Ол іріктеу сайыстарының жартылай финалында хорватиялық Нино Сердарусицтен 6:3, 7:5 есебімен басым түсті.
Сағат жарымға жуық уақытқа созылған бәсеке барысында Кукушкин 7 брейк-пойнттың үшеуін пайдасына жаратты.
Енді Кукушкин іріктеу сайыстарының финалында әлемнің 273-ракеткасы, польшалық теннисші Макс Касниковскимен шеберлік байқасады. Оның жеңсе отандасымыз негізгі жарысқа жолдама алады.
Іріктеу сайыстарында тағы бір қазақстандық Денис Евсеев те сынға түседі.
Еске сала кетейік, бұдан бұрын Аустралия чемпионатында жасөспірімдер арасында Әмір Омархановтың үшінші айналымға шыққанын жазған болатынбыз. Сонымен қатар қазақстандық жас теннисшілер жұптық сында Аустралия чемпионатын сәтті бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).