Қазақстандық Григорий Ломакин жұптық сында Шарм-эль-Шейх (Мысыр) ITF турнирінің финалына өтті, деп хабарлайды Kazinform.
Жарыстың 2-ракеткасы болып тіркелген Г.Ломакин украиналық Вадим Урсумен жартылай финалда германиялықтар Тим Руехл — Макс Вискандқа қарсы келді.
Тартысты өткен матчта бірінші партияда германиялық жұп тай-брейкте сәтті ойнады — 7:6 (7:5).
Есесіне екінші сетте қазақстандық-украиналық дуэт қарымта қайырды — 6:3. Содан кейін супер тай-брейкте жеңісті жұлып алды — 10:6.
Григорий Ломакин — Вадим Урсудың финалдағы қарсыластары кейін белгілі болады.
Еске сала кетейік, бұдан бұрын қазақстандық теннисшінің Мысырдағы жарыстың жартылай финалына шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).