Қазақстандық Григорий Ломакин жұптық сында Шарм-эль-Шейх (Мысыр) ITF турнирінің финалына шықты, деп хабарлайды Kazinform.
Жарыстың бірінші ракеткалары болып тіркелген Г.Ломакин ресейлік Евгений Филипповпен бірге жартылай финалда германиялық Карло Чубелич пен ұлыбританиялық Джакомо Ревелли жұбымен шеберлік байқасты.
Тартысқа толы өткен матчта қазақстандық-ресейлік жұп 7:6 (7:4), 6:7 (4:7), 12:10 есебімен жеңіске жетті.
Григорий Ломакин мен Евгений Филиппов финалда италиялық Томмазо Компануччи - сербиялық Виктор Йовичпен бас жүлде үшін таласады.
Еске сала кетейік, бұдан бұрын теннистен Қазақстан әйелдер құрамасының әлемдік рейтингіде жылды 9-орынмен қорытындылағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).