Қазақстандық Григорий Ломакин Шарм-эль-Шейх (Мысыр) ITF турнирінің жартылай финалына шыға алмады, деп хабарлайды Kazinform.
Әлемнің 794-ракеткасы Г.Ломакин ширек финалда дүниежүзілік рейтингте өзінен бір саты жоғары тұрған оңтүстікафрикалық Алек Блеклимен тартысты кездесу өткізді.
Матчты жақсы бастаған қазақстандық теннисші бірінші партияны өз есебіне жазды – 7:5. Алайда сол қарқынын жалғастыра алмай, қарсыласына есе жіберді – 3:6, 0:6.
Оңтүстікафрикалық спортшы финалға шығу үшін әлемнің 363-інші, жарыстың 2-ракеткасы, италиялық Самуэль Винсент-Ругьеримен таласады.
Еске сала кетейік, бұдан бұрын Анна Данилинаның Франциядағы жарыс жолынан шығып қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).