АСТАНА. KAZINFORM — Қазақстандық Григорий Ломакин жұптық сында Шарм-Эль-Шейх (Мысыр) ITF турнирінің финалына шықты.
Жарыстың 3-ракеткалары болып тіркелген Г.Ломакин мен ресейлік Илья Симакин финалға барар жолда үш кездесуін сәтті өткізді.
Қазақстандық-ресейлік жұп жартылай финалда доданың 2-ракеткалары, америкалықтар Трэй Хильдебранд – Ноа Шахтерден өте тартысты матчта басым түсті - 7:6 (7:3), 6:7 (8:10), 10:7.
Г.Ломакин – И.Симакин соңғы бәсекеде турнирдің 1-ракеткалары, ұлыбританиялық Бен Джонс – швейцариялық Якуб Паульмен чемпиондық атақты сарапқа салады.
Еске сала кетейік, бұдан бұрын Тимофей Скатовтың Италия турнирінің жартылай финалына жолдама алғанын жазған болатынбыз.
Сондай-ақ Александр Недовесов Португалиядағы жарыстың жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).