Қазақстандық теннисші Түркиядағы турнирдің ширек финалына өтті

Қазақстандық Дмитрий Попко жұптық сында Анталия (Түркия) ITF турнирінің ширек финалына шықты, деп хабарлайды Kazinform.

Жарыстың екінші ракеткалары болып тіркелген Д.Попко мен молдовалық Илья Снитари бастапқы кездесуін америкалық Габриэль Томас – түркиялық Баран Сойлермен сәтті өткізді.

Үш сетке созылған бәсекеде қазақстандық-молдовалық жұп 4:6, 6:0, 10:3 есебімен жеңіске жетті.

Д.Попко – И.Снитари жартылай финалға шығу үшін аустриялық Ян Кобриески – италиялық Федерико Валлемен таласады.

Тағы бір қазақстандық Даниал Рахматуллаев ресейлік Иван Фоминмен бірге ширек финалға шыға алмады.