АСТАНА. KAZINFORM – Мельбурн қаласында Аустралия ашық чемпионатының жеребесі тартылды.
Қазақстанның әйелдер арасында бірінші, әлемнің 5-ракеткасы Елена Рыбакина алғашқы айналымда WTA рейтингісінде 97-орында тұрған словениялық Кайя Юванды сынап көреді.
Рейтингіде 104-орындағы Юлия Путинцева әлемнің 58-ракеткасы, бразилиялық Беатрис Хаддад Майямен шеберлік байқасады.
WTA рейтингісінде 246-сатыдағы Зарина Дияс әлемнің 25-ракеткасы, испаниялық Паула Бадосамен кортта кездеседі.
Қазақстанның ерлер арасында бірінші, әлемнің 10-ракеткасы Александр Бублик бастапқы бәсекесін рейтингіде 48-орындағы америкалық Джейсон Бруксбимен өткізеді.
Тағы бір қазақстандық, рейтингіде 104-сатыдағы Александр Шевченко іріктеу сайысы жеңімпаздарының бірімен ойнайды.
Аустралия ашық чемпионаты 18 қаңтар күні басталады.
Еске сала кетейік, бұдан бұрын Михаил Кукушкиннің Ұлыбританиядағы турнирде қарсыласын ойсырата жеңгенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).