АСТАНА. KAZINFORM — 6-17 мамыр аралығында өтетін Рим (Италия) WTA 1000 турнирінің жеребесі тартылды.
Қазақстандықтар Елена Рыбакина мен Юлия Путинцева ірі жарысты екінші айналымнан бастайды.
Е.Рыбакина әлемнің 47-ракеткасы, жапониялық Моюка Учижима немесе рейтингіде 63-орындағы германиялық Ева Листің қай жеңгенімен кездеседі.
Ю.Путинцева әлемнің 51-ракеткасы, америкалық Алисия Паркс немесе рейтингіде 74-сатыдағы румыниялық Жаклин Кристианның біреуімен ойнайды.
Өткен жылы Римде финалда беларусиялық Арина Соболенконы ұтқан Польша өкілі Ига Швентек жеңімпаз атанған болатын.
Ерлер арасында Рим мастерс турнирінде Қазақстанның бірінші, әлемнің 76-ракеткасы Александр Бублик алғашқы айналымда рейтингіде өзінен бір саты төмен тұрған ресейлік Роман Сафиуллинмен шеберлік таластырады.
Еске сала кетейік, бұдан бұрын Елена Рыбакинаның әлемдік рейтингіде 12-орынға сырғығанын жазған едік.
Сондай-ақ Александр Шевченко Рим мастерс турнирін жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).