2026 жылғы 23 қазанда NVIDIA компаниясының негізін қалаушысы әрі бас атқарушы директоры Дженсен Хуангтың Қазақстанға сапары аясында ынтымақтастықты кеңейту қажеттілігі атап өтіліп, елімізде өңірлік NVIDIA Physical AI Hub орталығын құру ұсынылды. Бұл бастама физикалық жасанды интеллект саласында кадрлар даярлау және қолданбалы шешімдерді дамыту мақсатында университеттер мен өнеркәсіптік серіктестердің күш-жігерін біріктіруді көздейді.
Бірінші кезеңде Қазақстанның жоғары оқу орындарына NVIDIA DLI курстарына, оқу материалдарына және сертификаттауды қамтитын практикалық сабақтарға қолжетімділік беру ұсынылады. Бағдарлама аясында оқытушыларды тегін сертификаттау және академиялық қауымдастыққа арналған оқу семинарларын өткізу қарастырылған. Даярлықтан өткен оқытушылар өз университеттерінде студенттерді оқыта алады. Бастаманың техникалық негізі ретінде жоғары оқу орындарының қолданыстағы инфрақұрылымы мен қолжетімді бұлттық есептеу ресурстарын пайдалану жоспарлануда.
Бастаманы кезең-кезеңімен іске асыру көзделуде. Алғашқы кезеңде жоғары оқу орындарының NVIDIA DLI бағдарламасына қолжетімділігін қамтамасыз ету, оқытушыларды даярлау және сертификаттау жоспарлануда. Кейін сертификатталған мамандар өз университеттерінде студенттерге арналған оқу курстары мен практикалық сабақтарды ұйымдастыра алады. Қолданыстағы университеттік инфрақұрылым мен қолжетімді бұлттық есептеу ресурстарын пайдалану бағдарламаның қамту аясын біртіндеп кеңейтуге мүмкіндік береді.
Айта кетелік Қазақстан ЖИ индустриясы NVIDIA-мен әріптестіктен не ұтатыны туралы жазған едік.