АСТАНА. KAZINFORM — Гонконг қаласында (ҚХР) велотректен Hong Kong International Track Cup халықаралық турнирі өтіп жатыр.
Спортты дамыту дирекциясынан мәлім еткеніндей, 68 елден 304 велошабандоз жиналған әлемдік додада ұлттық құрама спортшысы Рамис Дінмұхаметов омниум бағдарламасында мәре сызығын бірінші болып қиып, алтыннан алқа тақты.
Р.Дінмұхаметов 136 ұпай жинады. Аустрия спортшысы Конор Лихи (127 ұпай) екінші, жапониялық Канта Умезауа (106 ұпай) үшінші орынға ие болды.
Сондай-ақ командалық спринтте Қазақстан ерлер құрамасы (Данияр Шаяхметов, Кирилл Курдиди, Рамазан Мұхтар) күміске қол жеткізді.
Кейрин бағдарламасында бақ сынаған отандастарымыз Андрей Чугай 9-шы, Данияр Шаяхметов 12-ші, Кирилл Курдиди 17-орыннан көрінді.
Еске сала кетейік, бұдан бұрын Милад Каримидің әлем кубогы кезеңінде үздік шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).