Италияның Колальбо қаласында конькимен жүгіруден жасөспірімдер мен нео-сеньорлар арасында әлем кубогінің екінші кезеңінде Қазақстан құрамасы алтын мен күміс медаль жеңіп алды, деп хабарлайды Kazinform.
Спортты дамыту дирекциясынан мәлім еткендей, нео-сеньорлар (21 жасқа дейінгілер) арасында 1000 метр қашықтыққа жүгіруден қазақстандық қос спортшы жақсы нәтиже көрсетті.
Инесса Шумекова 1:22.34 уақыт көрсеткішімен чемпион атанса, Арина Ильященко 1 минут 22.61 секунд нәтиже көрсетіп, күміс жүлдеге қол жеткізді.
Үшінші орынға Польша спортшысы Магдалена Смедзик (1:23.20) көтерілді.
Тағы бір қазақстандық Алёна Лифатова дәл осы қашықтықта 9-орыннан көрінді.
Еске сала кетейік, бұдан қазақстандық жас шорттрекшілердің әлем кубогі кезеңінде қола жүлдегер атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).