АСТАНА. KAZINFORM — Қазақстандық жас падел шеберлері FIP Promises Asia рейтингісіндегі көрсеткішін жақсартты.
Халықаралық падел федерациясы жаңартылған рейтингі нәтижелерін жариялады.
Қазақстан падел федерациясының баспасөз қызметінен мәлім еткеніндей, 18 жасқа дейінгілер арасында Азия FIP Promises рейтингісінде екі қазақстандық паделші ТОП-6-ның қатарына кірді.
Атап айтқанда, Арнұр Тұрсынхан мен Ислам Дүйсенғазин 6-орынға көтерілді.
Арнұр мен Ислам кеше 16 және 18 жасқа дейінгілер арасында Дубайда аяқталған FIP Promises Damac Dubai II турнирінде жартылай финалға дейін жетті.
Аталмыш жарыста А.Тұрсынхан мен И.Дүйсенғазин барлығы төрт кездесу өткізіп, соның үшеуінде жеңіске жетті.
Еске сала кетейік, бұдан бұрын жазғы Азия ойындарында қазақстандық паделшілер бақ сынайтынын жазған едік.
Сондай-ақ қазақстандық паделшілер Азия ойындарының екінші айналымына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).