АСТАНА. KAZINFORM — Қазақстандық падел шеберлері жасөспірімдер арасында FIP Азия рейтингісінде жоғары көтерілді.
Қос бірдей қазақстандық спортшы 18 жасқа дейіншілер арасында FIP Promises Азия рейтингісінде ТОП-10-ға кірді.
Арнұр Тұрсынхан мен Ислам Дүйсенғазин қазіргі кезде 10-орында тұр. Бұл – жас паделшілердің Қазақстан падел тарихындағы ең үздік көрсеткіші.
Тағы екі қазақстандық Санжар Жуасов пен Тимур Ахметов 26-сатыға жайғасты.
Бұдан бұрын Индонезияда өткен FIP Promises Jakarta турнирінде Арнұр мен Ислам 16 және 18 жасқа дейінгілер арасында үздік шыққан болатын.
Еске сала кетейік, бұдан бұрын қазақстандық жас падел шеберлерінің Индонезиядағы турнирде топ жарғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).