АСТАНА. KAZINFORM — Қазақстандық жас паделшілер Арнұр Тұрсынхан мен Ислам Дүйсенғазин ел паделі тарихында үздік көрсеткішке қол жеткізді.
Халықаралық падел федерациясы (FIP) әлемдік жаңартылған рейтингіні жария етті. Қазақстандық қос жас паделші 18 жасқа дейінгілер арасында Азияда үздік бестікке кірді.
Арнұр Тұрсынхан мен Ислам Дүйсенғазин Азия FIP Promises рейтингісінде 3-орынға көтерілді. Бұл — жас ойыншылар үшін отандық падел тарихындағы ең жоғары көрсеткіш.
Арнұр мен Ислам жексенбі күні мәресіне жеткен 18 жасқа дейінгілер арасында Алматы FIP Promises турнирінде топ жарды. Бұл Қазақстандағы осындай деңгейдегі алғашқы жарыс болатын. Бүгін екінші дода басталды.
Еске салайық, бұдан бұрын Қазақстанда алғаш рет паделден халықаралық FIP Promises турнирі өтетінін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).