Қазақстандық шахматшылар Италияның Монтесильвано қаласында өткен жастар арасындағы әлем чемпионатында 3 медаль жеңіп алды, деп хабарлайды Kazinform.
Әлем чемпионаты екі аптаға жуық уақытқа созылды. Онда ғаламның 80 елінен келген 14 пен 18 жас аралығындағы шахматшылар сынға түсті.
Ел құрамасынан Алдияр Аңсат 11 турдан кейін 8,5 балл жинап, 18 жасқа дейінгілер арасында қола жүлдегер атанды. Қазір ол - 15 жаста.
Ал 14 жасқа дейінгі қыздар арасында Елназ Қалиахмет 9 ұпаймен күміс жүлдегер болса, 16 жасқа дейінгі ойыншылар ішінде Алуа Нұрманова 3-орыннан көрінді.
Еске салсақ, ауыр атлет Айсамал Сансызбаева әлем чемпионатының күміс жүлдегері атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.