АСТАНА. KAZINFORM — Өзбекстанның Ферғана қаласында 18 жасқа дейінгі жасөспірімдер арасында ITF J60 турнирі мәресіне жетті.
Аталған жарыста Арсений Требухин жекелей сында чемпион атанды.
Қазақстандық спортшы финалда ресейлік Рафаэль Асадуллинді 7:5, 6:3 есебімен жеңді.
Жұптық сында Артем Сидоров ресейлік Милан Таупенетцпен бірге ресейліктер Павел Скворцов – Даниил Ткаченкодан айласын асырды – 6:7, 7:5, 10:7.
Қыздар арасында қазақстандықтар Аружан Нұранбай – Сәтима Төреген финалда ресейліктер Мария Маслиакова – София Ведерниковадан басым түсті – 6:3, 7:5.
Тиранада (Албания) 12 жасқа дейінгілер арасында екінші санаттағы Tennis Europe жарысы аяқталды. Қазақстандықтар Әмір Айтбаев – Сұлтан Бақыткерейұлы финалда Хеди Ксури (Тунис) – Матия Родижовичті (Сербия) қапы қалдырды– 6:4, 7:5. Әмір жекелей сында финалға дейін жетті.
Еске сала кетейік, бұдан бұрын Дмитрий Попконың Қазақстанның үшінші ракеткасы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).