Қазақстандық, 19 жастағы Сандуғаш Кенжебаева жұптық сында Монастир (Тунис) ITF турнирінің жартылай финалына шықты, деп хабарлайды Kazinform.
Қазақстандық теннисші америкалық Кьяра Шолльмен бірге екі кездесуін сәтті өткізді.
Қазақстандық-америкалық жұп алдымен германиялықтар Миа Мэк – Йоханна Сильваны 7:5, 6:3 есебімен жолдан тайдырды.
Содан кейін ширек финалда жарыстың екінші ракеткалары, италиялық Нурия Бранкаччо – румыниялық Андрея Присэкариумен шеберлік таластырды.
Бірінші партияда С.Кенжебаева – К.Шолль қарсыластарын айқын басымдылықпен ұтты – 6:1. Екінші сетте есеп олардың пайдасында 1:0 болғаннан кейін Н.Бранкаччо – А.Присэкариу бәсекені жалғастырудан бас тартты.
Сандуғаш пен Кьяраның жартылай финалдағы қарсыластары кейін анықталады.
Еске сала кетейік, бұдан бұрын қазақстандық теннисшінің Мысырдағы турнирдің жартылай финалына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).