АСТАНА. KAZINFORM — Жүзуден Қазақстан құрамасының спортшысы Ғалымжан Балабек Ташкентте (Өзбекстан) өтіп жатқан әлем кубогының кезеңінде ел намысын қорғап жатыр.
Отандық спортшы 400 метрге еркін әдіспен жүзуде 3:47.13 уақыт нәтижесін тіркеп, 12-орынға тұрақтады. Осы көрсеткіші арқылы Ғалымжан Балабек Қазақстан рекордын жаңартты.
АҚШ өкілі Карсен Фостер алтын медаль жеңіп алды — 3:37.39. Күміс жүлде бельгиялық Лукас Пьер А. Энвоға бұйырды — 3:37.74. Ал Мэттью Колдуэлл (ОАР) үздік үштікті түйіндеді — 3:40.95.
Айта кетейік, әлем кубогының кезеңі 10 қазанға дейін жалғасады.
Еске салайық, бұған дейін Диас Жиренбаев Денис Тен мемориалында 7-орын алғанын жазғанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.