Алматыда ғарышкер Талғат Мұсабаевпен қоштасу рәсімі өтті
АЛМАТЫ. KAZINFORM – Алматы қаласында Халық қаһарманы, ғарышкер Талғат Мұсабаевпен қоштасу рәсімі өтті.
Тарихи тұлғамен қоштасу рәсімі Алматыдағы Офицерлер үйінде ұйымдастырылды.
Ғимараттың кіреберісінде құрмет қарауылы сап түзеді. Талғат Мұсабаевты соңғы сапарға шығарып салуға оның туған-туыстары, жақындары, достары, сондай-ақ мемлекет және қоғам қайраткерлері келді. Қатысушылар қатарында ғарышкерлер - Тоқтар Әубәкіров пен Айдын Айымбетов те бар.
Аңызға айналған ғарышкермен қоштасу рәсімінен кейін 28 гвардияшы-панфиловшылар атындағы саябақтағы алаңда жаназа оқылады.
Еске салайық, 3 тамыз күні 75 жасында ұшқыш-ғарышкер, авиация генерал-лейтенанты, техника ғылымдарының докторы, мемлекет және қоғам қайраткері, Халық қаһарманы Талғат Мұсабаев өмірден өтті.
Мемлекет басшысы Қасым-Жомарт Тоқаев Талғат Мұсабаевтың туған-туыстары мен жақындарына көңіл айтып, оның отандық ғылым, техника және мемлекеттік басқару саласындағы зор үлесін атап өтті.