Қазақстандықтардың 11 пайызы ұстанатын дінін айтудан бас тартқан

Қазақстандықтардың 11 пайызы ұстанатын дінін айтудан бас тартқан, деп хабарлайды Kazinform Ұлттық статистика бюросына сілтеме жасап.

"Соңғы екі санақ аралығындағы кезеңде исламды ұстанатын халықтың үлесі қатты өзгерген жоқ – 69,3%, христиан діні – 17,2%, буддизм мен иудаизм – 0,1%.

Еш дінге сенбейтіндер үлесі 2,8%-дан 2021 жылы 2,3%-ға дейін төмендеді", - деп жазды ведомстводан.

Санақ қорытындысы бойынша респонденттердің 11% қандай да бір дінге қатысын көрсетуден бас тартқан. 2009 жылғы санақ кезінде мұндай бас тартқандардың үлесі 0,5% болған.