Шоудың кезекті шығарылымында жартылай финалға төрт команда шықты. Онда Анна Седюкованың тобында өнер көрсеткен Анатолий Цойдан басқа, Қазақстаннан «Джокеры» тобында ән салған Фариз Мамедов бар.
Бағдарлама үш бөлімге бөлінді: қыздар әні, жұлдызбен бірге өнер көрсету және маэстромен бірге ән салу.
Қорытындысында гранд-финалға Сергей Лазарев пен Анна Седюкованың командалары шықты. Константин Меладзенің шешімімен Анатолий Цой Лазаревтің командасына көшіп, ондағы әншілердің бірі Вячеслав Басюлді ауыстырды.
Кім жеңімпаз-топ болатынын көрермендер ашық смс-дауыс беру барысында шешеді. Финалдық бағдарлама эфирге 22 қарашада шығады. Шоу қатысушылары өз тәлімгерлерімен және ресейлік эстрада жұлдыздарымен бір сахнада өнер көрсетеді.
Константин Меладзенің басқаруымен жаңа бойз-бэнд үшін қатысушы іздеуге арналған «Хочу к Меладзе» музыкалық реалити-шоуы осы жылғы қыркүйек айында басталды. Орындаушылар кастингісі ТМД елдерінде жүргізілді. Жаңа ерлер вокалдық поп-тобы «М-бэнд» деп аталмақ.