АСТАНА. ҚазАқпарат - Қазақстандық «Астана» велоклубының «БАӘ туры-2023» көпкүндігіне қатысатын құрамы белгілі болды, деп хабарлайды ҚазАқпарат тілшісі.
Аталған турнир 20-26 ақпан аралығында Біріккен Араб Әмірлігінде өтеді.
Дүбірлі додада «Астана» сапында Дмитрий Груздев, Алексей Луценко (екеуі де - Қазақстан), Харольд Техада (Колумбия), Марк Кавендиш (Ұлыбритания), Кес Бол (Нидерланд), Хавьер Ромо (Испания), Давиде Мартинелли (Италия) сынға түседі.
Былтыр аталған турнирде «UAE Team Emirates» клубының словениялық велошабандозы Тадей Погачар жеңімпаз атанған.
Ал «Астана» сапында испаниялық Давид де ла Крус 10-орынға жайғасты.
Еске салсақ, бұдан бұрын «Астана» велошабандозы «Оман Туры» екінші кезеңінде алтыншы болып келді.
Фото: astana-qazaqstan.com
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.