АСТАНА. ҚазАқпарат - Қазақстандық Жәмила Бақбергенова мен Азамат Дәулетбеков бүгін, 10 желтоқсанда АҚШ-та басталатын еркін және әйелдер күресінен әлем кубогында жұлдыздар құрамасы сапында сынға түседі, деп хабарлайды ҚазАқпарат тілшісі.
Жарыс ережесі бойынша әлем чемпионаты рейтингі бойынша алғашқы бестікте тұрған құрамалар қатысады. Олардың қатарына жұлдыздар жинақталған алтыншы құрама қосылады.
Еліміздің атынан Азамат Дәулетбеков пен Жәмила Бақбергенова жұлдыздар жинақталған құрама сапында ойын көрсетеді.
Бірінші кезең елорда уақытымен 22:00-де басталса, екіншісі 03:00, үшіншісі 06:30-да болады. Қазақстандық балуандар екінші және үшінші кезеңде күреседі.
Айта кетсек, әлем чемпионатында әйелдер күресінен Жәмила Бақбергенова күміс алса, еркін күрестен Азамат Дәулетбеков қола жүлдеге қол созды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.