АСТАНА. ҚазАқпарат – Беларусь елінде өтіп жатқан Тәуелсіз Мемлекеттер Достастығы ойындарында еркін күрестен ел қоржынына 4 жүлде түсті, деп хабарлайды ҚазАқпарат тілшісі.
Солигорск қаласында өткен еркін күрестен бәсеке барысында қазақстандық балуандар 3 күміс, 1 қола алды.
Халықаралық жарыста ел құрамсынан Ерасыл Мұхтарұлы (57 келі), Арсен Өміржан (79 келі) финалда ресейлік балуан Начын Монгуш пен Магомед Магомаевтан жеңіліп, күміс медаль алды.
Ал Мақсат Сатыбалды (86 келі) финалда әзербайжан балуаны Арсений Джиоевке есе жіберіп, тағы бір күміс медаль алды.
Сондай-ақ, Омархан Надиров (125 келі) қола жүлдені қанағат тұтты.
Еске салсақ, бұдан бұрын қазақстандық дзюдошы Қанат Нұркелді (60 келі) ТМД елдері ойындарының күміс жүлдегері атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.