НҰР-СҰЛТАН. ҚазАқпарат – Қарағанды қаласында бокстан Ғалым Жарылғаповты еске алуға арналған халықаралық турнирде қазақстандық Тоғамбай Сағындық финалға шықты, деп хабарлайды ҚазАқпарат тілшісі.
Т.Сағындық ауыр салмақта жартылай финалда жарыстың фавориті саналған өзбекстандық Әлішер Низомовты мерзімінен бұрын ұтты.
Екінші раундта Ә.Низомовтың бапкерлері рингке орамал лақтырып, бәсекеден бас тартуға мәжбүр болды.
Асқар Еркебаев пен Азамат Игібаев жаттықтыратын Тоғамбай биыл қарашада Ұланбатырда жастар арасында өткен Азия чемпионатында екінші мәрте жеңімпаз атанған болатын. Ол онда да финалда өзбек боксшысы Амиршох Самадовты 5:0 есебімен тізе бүктірген еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).