Қазақстандық боксшылар Германиядағы турнирде екі «алтынды» жеңіп алды

АСТАНА. 10 наурыз. ҚазАқпарат - Қазақстандық боксшылар Біржан Жақыпов пен Мерей Ақшалов Германиядағы Chemistry Cup беделді турнирінде екі алтын медальды жеңіп алды.

Бұл туралы Vesti.kz хабарлайды.

Жақыпов 49 келіге дейінгі салмақ санатында финалда Қытайлық ЛВ Биннен күштірек болып, 18:12 есебімен жеңіп шықты. 64 келіге дейінгі салмақ сатында Ақшаловтың шешуші жекпе-жегі аса тартысты өтті. Алтын және күміс медальдар иелерін бір ғана балл (19:18) бөліп тұрды.

Осы жарыстарда Қазақстан сондай-ақ екі қола наградаға да қол жеткізді. Олар Рүстем Сваев (75 келіге дейін) пен Антон Пинчуктің (91 келіге дейін) үлесінде.