АСТАНА. ҚазАқпарат - Қазақстандық дәрігерлер Эбола безгегімен күрестегі Дүниежүзілік денсаулық сақтау ұйымының миссияларына, сонымен қатар «қақтығыс ошақтарындағы» гуманитарлық миссияға қатысып жүрген жоқ.
Бұл туралы ҚазАқпараттың ресми сауалына жауап берген ҚР Денсаулық сақтау және әлеуметтік даму министрлігі мәлім етті.
«Дүниежүзілік денсаулық сақтау ұйымының, Қызыл крестің Эболамен, Африкада ЖИТС-тің таралуымен күрестегі және басқа да бағыттардағы, оның ішінде әскери қақтығыстар орын алып жатқан аймақтардағы миссияларына қазақстандық дәрігерлер қатысқан жоқ», - делінген ведомство ақпаратында.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.