Қазақстандық десантшылар, ұшқыштар мен шекарашылар бірлескен оқу-жаттығулар өткізеді (ФОТО)
19:25, 23 Мамыр 2015
АСТАНА. ҚазАқпарат - Алматы облысы Изенді полигонында бес күн ішінде Аэромобильді әскерлердің, Әуе қорғанысы күштері (авиация) және ҚР ҰҚК шекара қызметінің әскери қызметшілері жауынгерлік дабыл кезінде үш мақсатты өзара іс-қимыл алгоритмін пысықтайды, деп хабарлады ҚР Қорғаныс министрлігінің баспасөз қызметінен.
«Десантшылар жердегі ахуалды бақылайды, ұшқыштар әуедегі жағдайды қадағалайды, шекарашылар күзетілетін аумақтардың қауіпсіздігі мен қол сұғылмауын қамтамасыз етеді. Ортақ жауынгерлік міндетті сәтті орындау үшін барлық үш бөлімшеге өздерінің маневрін біліп қана қоймай, бір-бірімен тұрақты байланысты орната білу, әскерлердің біріккен қолданылуының оңтайлы тәсілдерін таба алу қажет», - делінген хабарламада.
Оқу-жаттығу 25 мамырда басталады. Әскери қызметшілер өздерінің ұдайы орналасу орындарынан кетеді және жаяу жүріс тәртібінде толық жауынгерлік жарақтарымен полигонға аттанады. Оқу-жаттығудың белсенді кезеңі 28 мамырда өтеді.