Қазақстандық дипломаттар Ташкентте өткен шахмат турнирінде үшінші орынды иеленді (ФОТО)

ТАШКЕНТ. ҚазАқпарат - Қазақстандық дипломаттар Ташкентте өткен дипломатиялық корпус арасындағы шахмат турниріне белсене қатысты, осылайша олар шетелдік елшілердің, халықаралық ұйымдардың, шетелдік компаниялар мен Өзбекстанның сыртқы істер министрлігінің 20-дан астам командаларының арасында жүлделі үшінші орынға ие болды.

Турнир нәтижелері бойынша командалық есепте бірінші орынды АҚШ елшілігінің командасы, екінші орынды «Лукойл» компаниясының командасы иеленді.

Үшінші орынға лайық деп танылған Қазақстан атынан елшілік қызметкерлері Арман Тыныбек пен Азамат Алдамжаров өнер көрсетті.

Спорт додасының жеңімпаздары мен оған қатысушыларға дипломдар мен бағалы сыйлықтар табыс етілді.