АСТАНА. ҚазАқпарат - Қазақстандық дзюдошы Қанат Нұркелді Беларусьта өтіп жатқан ТМД елдері ойындарының күміс жүлдегері атанды, деп хабарлайды ҚазАқпарат тілшісі.
Биыл екінші мәрте туын желбіреткен ТМД елдері ойындарында ол 60 келіде ел намысын қорғады. Ел құрамасы қоржынына алғашқы жүлдені салды.
Финалда қазақстандық балуан ресейлік қарсыласына есе жіберді. Одан бұрын ресейлік және өзбекстандық қарсыластарынан басым түсті.
Аталған жарыс 7 тамызға дейін жалғасады.
Еске салсақ, бұдан бұрын дзюдошы Асқар Нарқұлов Жазғы универсиада ел қоржынына қола медаль салды.
Ол 73 келіге дейінгі салмақта үшінші орын үшін өткен белдесуде ол Қырғызстан өкілі Шыңғысхан Сағыналиевті жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.