НҰР-СҰЛТАН. ҚазАқпарат – Еркін күрестен Азия чемпионы және Азия ойындарының күміс жүлдегері қазақстандық Данияр Қайсанов әлемдік рейтингте үшінші орынға көтерілді, деп хабарлайды ҚазАқпарат тілшісі.
ҚР Ұлттық олимпиадалық комитет хабарлағандай, 74 келіде сынға түсетін Д.Қайсанов жақында Италияда өткен рейтингілік турнирде қола жүлдегер атанған болатын. Бұл Даниярға қосымша 12 ұпай сыйлады.
Нәтижесінде қазақстандық спортшы өз салмағында рейтингтің үшінші сатысына тұрақтады. Данияр Қайсановтың еншісінде 12 ұпай бар.
Айта кетейік, бұл салмақта ресейлік Заурбек Сидаков 60 ұпаймен көш бастап тұрса, екінші орынға 42 ұпайы бар италиялық балуан Франк Чемизо тұрақтаған.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.