Қазақстандық фильм екі бірдей беделді кинофестивальге қатысады
Қазақстандық режиссер Фархат Шәріпов түсірген «18 килогерц» атты жаңа көркем фильмнің әлемдік тұсаукесері Орталық және Шығыс Еуропаның ең беделді фестивальдерінің бірі – 36-шы Халықаралық Варшава кинофестивалінің (WFF) негізгі байқауы шеңберінде өтеді. Бұл туралы кинотуындының креатив жөніндегі продюсері Юлия Ким хабарлады.
«18 килогерц» - 90-жылдардың соңындағы жасөспірімдердің өмірінен сыр шертетін фильм.
Фильмнің түсірілім жұмыстары Алматы қаласында өтті. Басты рөлдерді Мұсахан Жұмахан, Әлібек Әдікен, Камила Фун-Со есімді жас дебютант-актерлер сомдады.
Әлемдегі ең беделді кино байқаулардың бірі – Варшавадағы Халықаралық кинофестивальдің негізі 1985 жылы қаланған болатын. Халықаралық кинопродюсерлер қауымдастығының федерациясы шешімімен 2009 жылы бұл фестивальге «А» санаты берілген болатын.
Биыл коронавирус пандемиясына қарамастан Варшава кинофестивалі 9-18 қазан аралығында әдеттегі дәстүрлі форматта өтеді.