АСТАНА. ҚазАқпарат – Ғылым және жоғары білім министрлігінің мамандары отандық ғалымдар ойлап тапқан жаңалықтарға қандай шет мемлекеттердің қызығушылық танытқанын айтты, деп хабарлайды ҚазАқпарат тілшісі.
«2016-2018 жылдар аралығындағы ғылыми және ғылыми-техникалық қызметті гранттық қаржыландыруға арналған конкурстардың қорытындысы бойынша 2022 жылдың соңында ғылыммен байланысты 140 өндіріс құрылды. Оның ішінде 15 жоба АҚШ, Қытай, Ресей, Чехия, Грузия, Қырғызстан елдеріне экспортқа шықты», - делінген тілші сауалына орай берілген Ғылым және жоғары білім министрлігінің жауабында.
Қоса кетсек, бұған дейін шетелге кеткен ғалымдарды қайтаруға бағытталған бағдарлама әзірленетінін жазып едік.
Сондай-ақ, ғалымдарға арналған әлеуметтік жеңілдіктер пакеті дайындалып жатыр.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.