АСТАНА. ҚазАқпарат - Бүгін Азия ойындарында күрес түрлерінен бәсеке аяқталады. Грек-рим күресінен 97 келіде ел намысын қорғаған Ерұлан Ысқақов қола жүлдегер атанды деп хабарлайды ҚазАқпарат тілшісі.
ҚР Ұлттық Олимпиадалық комитеттің баспасөз қызметі мәлім еткендей, Ерұлан турнирді 1/8 финалдан бастап, Оңтүстік Корея өкілінен 1:6 есебімен ұтылған еді.
Қола медаль үшін күресте ол ирандық Әли Акбар Хейдаримен белдесіп, 10:0 есебімен жеңіске жетті.
Бұл грек-рим күресінен Қазақстан еншісіндегі үшінші қола медаль.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.